Når vi snakkar om vald i nære relasjonar, blir skeive erfaringar ofte usynlege. Det stereotype bildet av ein mann som slår ei kvinne er lite relaterbart for skeive liv. I skeive miljø løftast gjerne skeive parforhold opp som vakre og velfungerande, og i møte med homofobi og transfobi frå storsamfunnet blir det kanskje ekstra vanskeleg å sette fokus på å ha opplevd vald frå ein partnar eller frå familie. Likevel veit vi at mange skeive lever med kontroll, psykisk vald, frykt eller fysisk vald. Mykje tyder på at skeive er meir sårbar for vald frå omsorgspersonar og like sårbar for vald i parforhold som heterofile cispersonar.
Mange skeive kjenner seg ikkje igjen måten vald i nære relasjonar blir forklart på, i hjelpetilbodet for valdsutsette eller samfunnet sine førestellingar om kven som kan leve med ein valdeleg partnar eller eit valdeleg familiemedlem. Dersom ein ikkje veit om det lokale krisesenteret har eit inkluderande tilbod, blir terskelen høgare for å søke hjelp.
Dette arrangementet set vald i skeive parforhold på dagsorden.
- Kva veit vi om skeive erfaringar med vald i nære relasjonar?
- Korleis ser vald ut i skeive parforhold?
- Kvifor er det så vanskeleg å snakke om?
- Og korleis kan vi skape tryggare skeive fellesskap og eit betre støtteapparat?