I 2020 vedtok fylkestinget at Vestland fylke skal vere ei anitrasistisk sone. I samband med dette, inviterer Likestillingssenteret på Vestlandet og Stryn bibliotek til dialogmøte om rasisme og antirasisme i kvardagen.
Her er alle velkommen, så lenge du deler målet om eit lokalsamfunn fritt for rasisme. Du kan lære meir om kva utfordringar rasisme kan skape i kvardagen, dele av eigne erfaringar på feltet og bidra inn i ein viktig dialog om sunne miljø og tryggleik.
Arrangementet vil mellom anna ta opp samtalen om kva rasisme er og korleis det kjem til uttrykk i dagens samfunn. Samstundes skal vi drøfte korleis fremje like moglegheiter for deltaking og tilhøyrsle i lokalsamfunnet. Det vil bli lagt opp til dialog og refleksjon mellom deltakarane.
Ta med bestevennen, bestemor og naboen og kom på samtale om korleis skape gode lokalsamfunn for alle!
Dialogmøtet vi bli leia av Nertila Stringa og Viljar Eidsvik. Til å innleiie møtet kjem Sarah Jane Anderson, prosjektleiar for "Antirasistisk sone" i Vestland fylkeskommune.
Dialogmøtet er finansiert av Barne-, ungdoms- og familiedirektoratet og Vestland Fylkeskommune og ein del av arbeidet for at Vestland skal vere ei antirasistisk sone.